CONTINTE OU PAS
Paroles et Musique de
Simon COLLIEZ
Quand in s'est marié ch'est elle qui a tout décidé
Du choix de l'salle et pis l'emplac'mint ed nos invités
Pour el menu ch'est elle qui a vu avec el traiteur
Et ch'est même elle aussi qui a choisi l'animateur
Edpuis rien n'a cangé elle prind toudis les décisions
De l'couleur de ch'l'auto à tout c'qu'il y a dins l'maison
A forche ed m'écraser afin d'éviter les histoires
El coupe a débordé j'ai craqué et là y'in a marre
Et là j'te l'dis ch'est bien fini
J'in ai assez ch'est décidé cha va canger
REFRAIN
Continte ou pas ch'est décidé
J'in ai assez de m'faire méner pa l'bout du nez
Continte ou pas i faut qu't'arrêtes
Je ne supporte pus de m'faire méner à l'baguette
Continte ou pas acoutes me bien
Dés d'main matin ch'est mi qui prind les choses en main
Continte ou pas et à l'maison
Ej vais t'montrer qui ch'est qui porte el pantalon
(pour finir) Continte ou pas mais désormais cha s'ra comme cha
Tous mes copains l'diminche matin i vont faire leu tiercé
Comme un toutou mi j'suis madame à l'église pour prier
Avec el caractère et pis el mauvaise foi qu'alle a
El jour ed sin décés au Paradis y'in voudront pas
Et là j'te l'dis ch'est bien fini
J'vais au café diminche prochain faire min tiercé
Au refrain
Il faut dire qu'a s'maison s'mère alle étot déjà comme cha
Sin père dins sin fauteul devant l'télé i bougeot pas
Dès qu'il ouvrot s'bouque in li demindot ed la fermer
Y'a que sur sin tchien qu'il avot un peu d'autorité
Et là j'te l'dis ch'est bien fini
Fini de m' taire je n'veux pas finir comme tin père
Au refrain