MIN SEJOUR IN RUSSIE
Paroles de Daniel CARLIER
Musique de Simon COLLIEZ
Jamais qu'j'auros pinsé, in faijant les concours,
Qu'un jour j'auros gagné un voyache au long cour;
J'archos donc un papier: "Vous avez l'premier prix,
In vous invite à faire un séjour in Russie!"
L'programme i'étot tracé et l'zhotels arténus,
Des lots comme cha bin sûr, cha mérite d'ête vécu!
Alors j'ai dit à m'femme in va apprinte el russe
Et in comprindra tout!!! in n's'ra pont des gugusses.
REFRAIN
Laï laï laï laï laï
Laï laï laï laï laï laï
Laï laï laï laï laï
Laï laï laï
Laï laï laï laï laï
Laï laï laï laï laï laï
Laï laï laï laï laï
Laï laï laï
Et nous v'là à Moscou su l'plache edvant ch'Kremlin,
Su l'glache de l'Moscova les gins font du patin,
Chés coeurs ed l'armée rouche i cantottent Kalinka
Avec dins l'fond sonore des balalaïka.
Et hop!! cang'mint d'décor, dins l'campagne ches moujiks
Nous ditent eq dins la lune... i z'ont mis un spoutnik,
Pis qui z'avottent un tsar qui s'appélot Ivan,
Un personnache terrip' qui tuot femmes et éfants.
au refrain
In pourrot cor, ch'est sûr, n'in faire tout un roman,
Vu qu'in a arpinté ch'l'Oural par tous les temps,
D'sus l'Volga in blagot avec ches bateliers,
L'mer Noire et pis l'Baltique pour nous n'ont pus d'secret;
Et comme tout a eune fin, r'vénu à nou mason,
In a, manman pis mi, décidé in union,
Qu'in verra dins l'z'assiettes ch'caviar à tous ches r'pas,
Et l'costume ed cosaque ch'est l'habit qu'in mettra.
au refrain