FORCHEMINT
Paroles et Musique de Simon COLLIEZ
Pour es' n’anniversaire ses amis i'ont payé
Eune superbe croisière in Méditerranée
Comme il a l’mal de mer et qu’il a peur de l’ieau
J’sus parti in vacances avec elle su l'batieau
REFRAIN
Comme ej sus bon garchon rimpli d’bons sintimints
Que je n’sais pas dire nan j’réponds ouais forchémint
In m’a toudis appris à rinde service aux gins
Comme je n’dis jamais nan j’réponds ouais forchémint
Un jour i z'ont gagné un superbe voyache
Dins un très grand hôtel J’comptos pus les étoiles
Comme il est claustrophobe qu’il a peur ed l’avion
Avec elle ej' sus parti à la Réunion
Tous les ans au mois d’aout alle déchind in vacances
Artrouver es famille du côté d'la Provence
Seul’mint in TGV el vitesse li fait peur
Ch’est mi qui déchint avec elle vir es sœur
Deux trois fos par semaine alle monte à Paris
Vir es cousine Germaine qui est clouée au lit
I’a peur ed l’autoroute y’a trop d’circulation
I dit qu'cha va trop vite et pis qu’i a trop d'camions
Alle a querre el théatre seul’mint ch’est in soirée
I m'dit vas y à m'plache ej sus pas rassuré
Il a peur du métro il a vu à l’télé
Que desfos y’in avot qui s’faijotte agresser
Mais el semaine dernière pour eune fos qu’i a osé
Monter in mongolfière es n'heure a sonné
Mais avant ed mourir i m’a dit à m'n'orelle
Dins un dernier soupir surtout prinds bien soin d’elle