A GARDINCOUR
Paroles de René DOUNIAUX
Musique de Simon COLLIEZ
Quand vient l’été temps béni des vacances
El temps rêvé pour visiter la France
Faut faire réviser es n’automobile
Vir l’état d’chés pneus et pis l’niveau d’huile
Et surtout n’pas oublier des bagaches
T’es déjà stressé avant el voyache
Pare choc conte pare choc te t’mets in route
T’as tout d’suite des bouchons su l’autoroute
Mi pour passer mes congés tranquill’mint
J’ai un secret faut pas aller bin loin
REFRAIN
Mi j’vais à Gardincour
A Cauchy à la tour
Je n’voudros pas canger
J’y passe tous les étés
Je m’lève avec les poules
Ch’est plus bieau qu’la Napoule
Gardincour mes amis
Ch’est un vrai paradis
Après avoir roulé mille kilomètes
In sortant d’l’auto t’es comme eune lavette
T’as d’mau tout partout té n’sins pus tes quilles
Pour marcher faudrot bétot des béquilles
Et tin permis si té veux l’conserver
Té n’bos qu’de l’ieau tout el long du trajet
Et les éfants toudis à deminder
« Dis papa on est bientôt arrivés »
T’es incore plus crevé qu’quand t’es parti
Pour t’arposer t’as qu’à faire comme mi
Au refrain
Eune belle piscine in a installé
Quel plaisir d’vir les éfants s’y baigner
Pour critiquer il y’a toudis des gins
Qui disent té dos pas t’in servir souvint
Avec el climat qu’i a dins nou région
Les seuls qui font trimpette ch’est les pichons
A cha j’réponds j’fais des économies
Dins m’piscine ej’récupère el l’ieau d’pluie
Même si à Gardincour des fos i pleut
J’m’en fous ch’est là que j’sus el plus heureux
Au refrain