MES COUSINES
Paroles et Musique de
Simon COLLIEZ
L’première , alle n’arrête pas d’parler
Min cousin i dot l’supporter
Alle débite du matin au soir
Il a eune tête comme eune boulloire
Quand alle mêne ches gosses à l’école
Alle treuve toudis à qui parler
A onze heures et d’mie alle s’affole
I’est l’heure ed les récupérer
El solution à sin problême
Ch’est d’aller les méner li même (bis)
L’deuxième, alle fait rien de l’journée
Alle est pindue devant l’télé
Alle se lève pas loin des dix heures
Prind ses quatre cinq tartines au beurre
Alle fait eune tite sieste tous les jours
Tout juste avant les feux d’l’amour
A peine armie d’ses émotions
I’est l’heure d’question pour un champion
El solution pour l’faire bouger
Ch’est d’li supprimer el’ télé (bis)
L’troisième, alle est toudis partie
Faire les magasins intr’amies
Et alle dépinse ,ch’est plus fort qu’elle
Tout cha pour finir à l’poubelle
Eune fos qu’ch’est marqué promotion
Alle crot qu’alle fait eune occasion
Comme i dit s’n homme qui in a marre
Des boîtes ,y’in a plein les placards
L’solution pour garder ses sous
Ch’est d’pas li in donner ch’est tout (bis)