CH’ CARILLON
Paroles de René DOUNIAUX
Musique de Simon COLLIEZ
Afin ed faire plus bieau à nou maison
Em’ femme a acaté un carillon
Cha li rappelle quand alle étot pétite
Y ‘avot el même à mon matante Edith
Et ch’est sur les murs de l’salle à minger
Que vite fait bien fait j’te l’ai accroché
Y’a un truc auquel j’avos pas pinsé
Tous les quarts d’heures i s’met à sonner
Un plus ed cha li y’a l’ sonnette de l’porte
J’ai comme la vague impression qu’alle est morte
Alle a rin trouvé d’miux em’ tite chérie
D’mette comme à ch’carillon el même sonn’rie
Et bin cha y’est me v’la frais me v’la bieau
Ach’t’heure j’ai drot a un sacré duo
Et quand y’a quéqu’un qui sonne à l’maison
I s’met in route in meme temps ch’carillon
REFRAIN
J’réponds au telephone v’la ch’carillon qui sonne
Dig ding Dong
Ej’ ravise el télé s’sus toudis déringé
Dig Ding dong
Même quand in est à tape
Ch’est vraimint insout’nape
Dig Ding Dong
Tout au long de l’semaine
Mes orelles qu’est c’qu’alle prennent
Dig Ding Dong
Et quand des fos y’arrive que j’m’indors
Dins mes rêre ej les intinds incore
In d’sous d’mes yux i faut vire j’ai des poches
L’docteur m’a dit sur y’a quet-cosse qui cloche
J’avoue ej n’oseros pas li raconter
Sur qu’a l’asile i me f’rot infermer
Rien que d’y pinser cha me fou l’ bourdon
D’monter dins l’embulance qui fait pin pon
(au refrain)
A Paques a Rome parait qu’les cloches s’in vont
Seul’mint les notes elles restent à l’maison
Et je n’vous parle pas du rével matin
Qui m’dit narquois aller va au turbin
Em’ femme qui’est musicienne n’a pas pinsé
A un aut’ moyen pour em réveiller
I manqu’rot pus qu’cha equ’ mes compagnons
Qui me fasse léver au son du clairon
(au refrain)