ET PAN DINS L’LUCARNE
Paroles de René DOUNIAUX
Musique de Simon COLLIEZ
Dins min villache in a fondé inne équipe ed football
In a choisi el charcutier pour définte les gayolles
Avec ses cent quarante kilos i n’a pas gramint d’plache
Intre ch’gaillard et les poteaux pour que l’ballon i passe
In défense ch’est pas bête i’a l’croque mort et pis l’percepteur
Et rien qu’in ravisant leus têtes les adversaires ont peur
Allez allez allez in va gagner
REFRAIN
Et pan dins l’lucarne
El gardien i’est battu
Les buts in les compte pus
Et pan dins l’lucarne
In est d’la graine des champions
Ch’est nous les rois du ballon rond
Les gardiniers municipaux sont milieux ed terrain
Oui mais sans leus outils comme cha i n’s’y appuieront point
Comme avant centre d’office in a mis el fils du fermier
I queurt toudis après ses vaques il est bien intrainé
A l’aile ch’est pas banal in treuf’ deux bons cacheux du coin
Inne fos n’est pas coutume ch’est eux qui queurtent comme des lapins
Allez allez allez in va gagner
Au refrain
Pour les incourager in a el clup des supporters
Pendant qu’leus favoris i queurtent eux i boivent de l’bière
Dins l’staff technique in a nommé el benet du canton
Ch’est li l’meilleu à la mi-temps pour couper les citrons
L’intraîneur ch’est l’curé avant l’match i prie à l’église
Comme cha in est bien protégés in prindra pas d’valise
Allez allez allez in va gagner
Au refrain