LETTE POU CH’PERE NOEL
Paroles et Musique de Simon COLLIEZ
(Parlé)
J’ai artrouvé l’copie d’eune lette
Qu’j’avos écrite quand j’étos gosse
Alle étot pour ech’ Père Noël
Chaque fos qu’j’arlis cha m’fait quett’cosse
(Chanté)
Voilà el liste d’mes cadeaux
J’espère que t’as un grand traineau
Mais j’veux simplemint profiter
Vu qu’té passes qu’eune fos dins l’année
Comme j’sus pitit j’ai des p’tits pieds
J’ai mis les bottines ed min père
Et pour qu’t’arrives à tout caser
Y’ aussi celles ed min grand père
Comme em’ mère alle a oublié
Ed faire ramoner l’quéminée
Pour pas qu’té salisses mes jouets
Faudra passer par l’porte d’entrée
Si té pouvos em’ réveiller
J’sais bien que t’as pas gramint d’temps
Rien qu’eune minute à m’consacrer
J’ai quett’cosse à t’dire d’important
Père Noël Père Noël Si in faisant et’ tournée
T’in vos un qui n’a pas d’jouet
Père Noël PèreNoël Prinds in un ou deux des miens
Cha m’f’ra plaisir de l’vire contint
Père Noël Père Noël Si tout au long du quémin
Té rincontes des gins qui ont faim
Père Noël Père Noël J’ai préparé un panier
Y’a d’quoi lu donner à minger
Sur el côté de l’quéminée
Y’a eune nouvelle paire ed souliers
Faudra pas i mette ed jouets
Ch’est pas pour mi j’vais t’expliquer
Ch’est pour quiqu’un au bout de l’rue
Au Père Noël i n’y crot pus
Y’a tell’mint eu d’misère dins s’vie
Qui crot même pus au Paradis
A l’abri sous un grand carton
Ch’est là qui reste ch’est là s’maison
Y’a des jours quand i fait fort frod
Ej’ li amène quett’cosse ed caud
El’paire ed souliers ch’est pour li
Faudra pas dire que cha vient d’mi
Ed’ main quand i va s’réveiller
Pour li l’Père Noël s’ra passé