UN CORNET D’FRITES ET UN BON D’MI
Paroles de Daniel CARLIER
Musique de Simon COLLIEZ
Dins les r’pas d’l’ancien temps, baptêmes ou communions,
Au momint d’avaler eune assiette ed bouillon,
Pépère qui, bin souvint, c’minchot à ête pompette,
In arvétiant mémère, intonnot à tue-tête :
REFRAIN
Un cornet d’frites mingées sans fourche-et-te
Et un bon d’mi, ch’est un régal .
Avec un peu d’sel, un peu d’vinai-ai-que
Et un bon d’mi, ch’est l’idéal .
Un cornet d’frites et eune fricade-el-le
Et un bon d’mi, ch’est un régal .
Tant pis si in a nos dogts pleins d’grai-ais-se,
El principal, ch’est qu’in s’régale.
A l’noce ch’étot parel, y’avot toudis quéqu’un,
Ch’étot mononque ,matante, eune cousine, un copain,
Qui montot su s’caïelle, demindot d’faire silence,
Et comme à l’opéra, i poussot la romance :
Au refrain
El diminche de l’ducasse, ch’étot eune tradition,
El famile au complet faijot un bon gueul’ton,
Et au momint d’partir monter sur chés g’vaux d’bos,
In chœur, in arcantot l’canchon eune dernière fos :
Au refrain